Ómaklega gengið framhjá Ástu Möller

    Mér finnst með ólíkindum að Geir Hilmar Haarde skuli hafa gengið framhjá Ástu Möller í vali sínu á ráðherra heilbrigðismála.
    Ásta hefur gengt tiltölulega löngu og farsælu þingmannsstarfi, ýmsum trúnaðarstörfum fyrir Sjálfstæðisflokkinn og síðast en ekki síst hefur hún víðtæka þekkingu á sviði heilbrigðismála og er sérmenntuð sem stjórnsýslufræðingur. Þetta tvennt getur ekki verið betri grunnur fyrir ráðherradóm.

   Ásta er menntaður hjúkrunarfræðingur og býr yfir mikilli reynslu af því að starfa sem slíkur. Hún hefur gengt trúnaðarstörfum fyrir Félag Íslenskra Hjúkrunarfræðinga og er þar með talið formannsstarf hennar fyrir félagið - Hún hefur verið í ritstjórn félagsblaðs þeirra - ef ekki ritsjóri (sem mig minnir helst!).
    Það sem mér finnst einnig vega þungt, er reynsla hennar af löngum og ýtarlegum undirbúningi, í samvinnu við erlenda aðila, að byggingu hátækni sjúkrahúss.

    Ég hef örugglega gleymt eitthverju af reynslu hennar og þekkingu á heilbrigðismálum enda kann ég ekki ferilskrá frúarinnar utan að.

                            Í  LÍKAMSRÆKT TIL ÁGÚSTU?

    Ég ætla svo sannanlega að Ásta Möller hafi mörghundruð kílómetra forskot á Guðlaug Þór og það er því, að mínu mati, alger vanhugsun hjá Geir að setja Guðlaug í þetta embætti, sem ég ætla að sé eingöngu vegna útkomu úr prófkjöri sem ég hef löngu gleymt.
     Guðlaugur Þór er að mínu mati hinn vænsti piltur - það sem ég hef séð til hans - og samkvæmt bloggsíðu Jónínu Ben vel giftur (gott hjá Jónínu að vinna sér inn punkta hjá Ágústu!) og hinn efnilegasti í alla staði, en vantar tilfinnanlega reynslu bæði af þingmennsku og heilbrigðismálum - nema þá helst líkamsrækt.
     Hann kemur sennileg til með að reyna að fækka sjúkum og þar með innlögnum með þeirri fyrirbyggjandi aðgerð að senda sem flesta í líkamsrækt - til Ágústu?

Athugasemdir

[Stefán Friðrik Stefánsson, 24.5.2007 kl. 17:54]

Sæll

Takk fyrir kveðjuna á vefinn minn.

Þetta eru góðar hugleiðingar og gaman að lesa. Ásta hefði svo sannarlega átt að koma til greina og hefur eflaust gert það. Kannski kemur hún þarna inn á seinni stigum. Í flokknum hefur reyndar verið ansi áberandi goggunarröð. Bæði að menn fái ekki ráðherraembætti á fyrsta tímabili og menn vinni sig upp. Þannig var þetta alltaf hjá Davíð, sem reyndar kom sjálfur beint inn í ríkisstjórn nýr á þingi, enda formaður Sjálfstæðisflokksins. Er viss um að Ásta verður formaður heilbrigðisnefndar fyrsta slagið en bind vonir við að hún komi kannski inn við ráðherrauppstokkun á kjörtímabilinu.

mbk.

[Davíð Þór Kristjánsson, 25.5.2007 kl. 08:09]

Klárlega tveir góðir kostir, Guðlaugur hefur kannski ekki reynsluna en er vinsæll þingmaður og kemur vel fram útávið. Kratftar beggja nýtast vel í flokknum, það er aðalatriðið. Geir getur aldrei valið svo allir séu sáttir, hann hefur samt betri yfirsýn en við hin og fer væntanlega eftir sínu innsæi. Ásta fær tækiæfæri síðar ásamt Guðfinnu, Ragneiði og fleirum. Aldrei hafa verið jafnmargir sterkir kandídatar í kvennahóp sjálstæðismanna. Nú er boltinn hjá þeim að sanna sig á þingi og stefna á ráðherraembætti á næsta kjörtímabili og eða vera reiðubúin ef kallið kemur á þessu ;)